දහඩියෙන් පෙඟී ගිය වැරහිලි ඇඳන්
මීවිතෙන් තවා දුක කඳුළැලි දරන්
පාවෙමින් ඔහේ හිත වලාකුළු මැදින්
සීතලෙන් ගැහී ගුලි කම්මැලි කමින්
ඇබෑර්තු ඇත !
තරුණයෝ පෙළ ගැසෙති
පෝළිමේ සිට ගනිති
හිඟා කන හැටි බලති
එකා පසුපස එකා
“ගෙනාවද ඇමතිගෙන් ලියුමක් ?”
පාරමී පුරන්න බැහැ
බෝසතුන් වගේ
ඇට දිරෙනකං
ලේ හිදෙනකං
මස් හැලෙනකං
“ඉඳා බත් එක කාපං”
අම්මගේ ආදරේ
දරා ගන්න බැහැ මට
මට සමාවෙන්න
මං මහා කාලකන්නියෙක්
ගන අඳුර - තද සුළඟ
ගිනගෙන වියරුවෙන්
නළියන - තරු රෑන්
ලණුව කෝ සුසුම් සිර කරන
මී බඳුන කෝ දෙතොල් තෙත් කරන
තවත් බැහැ ඉන්න මට
අම්මේ මං යනවා යන්නට
