එහි ගියෙමි මම වසන්තයක අබිමුව
හුස්ම පිඹ පිඹ ජීවිතය දුන් තැන
අදත් එහි එම සුසුවඳ විඳිමි මම
නෙක මල් ලිහී ගිය වීදි දිග
සකුණ මියැසියකි අරුමැසි
උකුසු ඇස් මග හැර ඉගිල
පලා ගිය කලකි ප්‍රථම වස
ළය බැඳුණ ඇසුරකට සමවැද
සමබිමක හමු විය දෙවැනි වස
සියපත් පිපුණ විල්දියක තෙත
ඇහැට හුරු කළ මතකයක ඇරඹුම
තුන් වසක් වන විට මුහුකුරා ගිය
සබඳකම් විය අප අතර අප ම වුණ
සිව්දිග හමන නිදහස් සුළඟ ලෙස
ආගිය තැන් අදත් සිතියම් ව ඇත
ගමනක් නිමා වී යා යුතු බව කියන
කවියක විය එක පෙළක් මහ නපුරු
සිව්වසක කෙළවරට විත් නැවති
ඉතිරි වුණ හිතක් ඇත පණ පිඹින
No comments:
Post a Comment