Friday, May 30, 2014

මගියකු

මම
ගැඹුරු කල්පනාවකට
වැටී සිටියෙමි
බස්රියේ කවුළුවෙන් එපිට
දෑස තියා ගෙන
එක්වන ම
ගොරහැඬි කටහඬක්
සවන්පත් මත වැටිණ
දෑස කවුළුවෙන්
මෙපිටට ගෙන

ඔහු ගයයි
ඔහුගේ ජීවන ගීතය
ළයේ ගැස්ම
බෙර හම මත
පතිත කොට
ඔහු සිටියි
ඔහුගේ ජීවන අසුනෙ
බස්රියේ
එන්ජිමට බර වී
ඔහු නිමා කරයි
ඔහුගේ ජීවන ගීතය
කාසි කොළවල
හඬට කන් දී

මම නැවතත්
බස්රියෙන් එපිටට
දෑස විසි කළෙමි

සන්තාපය

සන්තාපයක් කොහෙද
මේ ජීවිතේ
සන්තෝසයක් විනා

එක වරක්

ජීවිතේ තව එක වරක්
නුඹ ආපසු ආවොතින්
ඉවත යන්නට නො දී
තුරුළු කර ගන්නම් ආදරෙන්

සඳලු තලය

සඳට තවත්
සමීප වෙතැයි සිතා
සඳලු තලයට
නැඟ ගත් නමුත්
සඳට තවත්
දුර බෝ මැ යි