හන්තාන හඳ යට
ආයෙමත් දවසක
හමු වෙමු ද සොඳුරිය
එ දවස
එක හුස්මකින්
ජීවිතය පණ දුන්
සුන්දර ම සිව් වස
මෙනෙහි කරමු අපි
මහවැලි ඉවුර දෙස
නෙත් යොමා යළි
එකට බැඳුණු
අතැඟිලි ලිහෙද්දි ම
කාලයට ඉඩ දෙමු අපි
නුඹ කීවා මතක ද
වෙන් වෙන්න
මොහොතකට පෙර
එ දවස
නුඹේ ළය මත
ඉන් බිඳෙන
හද ගැස්මට කන් දී
නිහඬ වුණෙමි මම
හන්තාන අහස වට
කළුවර නැගෙද්දි ම
හන්තාන හඳ යට
ආයෙමත් දවසක
හමු වෙමු ද සොඳුරිය
No comments:
Post a Comment