කඳුළක් වෙමි හඬන දෑසක වෙහෙස දරන
කොපුලක් වෙමි ගලන කඳුළක සිහිල රඳන
දෙතොලක් වෙමි රතැති කොපුලක හාදු තියන
පවසක් වෙමි විඩා දෙතොලක ගිමන් නිවන
ගඟුලක් වෙමි දහක් දෙන පවස සන්හිඳන
කන්දක් වෙමි ගලා යන ගඟුලක පණ පිඹින
අහසක් වෙමි උස් වු කන්දක සෙවන සදන
තරුවක් වෙමි උදා අහසක සදා ඵළිය දෙන
සයුරක් වෙමි දිලෙන තරුවක කැලුම් පතන
පවනක් වෙමි නිහඬ සයුරක තරඟ පිසින
හවසක් වෙමි හමන පවනක සුවඳ සොයන
කවියක් වෙමි තනි වු හවසක හිතට ඵබෙන
No comments:
Post a Comment