ඉස්කෝලේ
විභාගයෙන්
පාස් වෙච්ච දවසේ
වලව්වේ
හාමු මහත්තයා
අහම්බයෙන් වගේ
අපේ ගෙට ගොඩවුණේ
හාමු මහත්තයට කියන්න
අපේ කෙළී
විභාගයෙන් පාස් වෙලා නො වැ
අපූරු යි නො වැ
යවහං ඒකි ව
නගරේ ඉස්කෝලෙට
ඒකී පින්වන්ත යි බං
කොයින් ද හාමු
අපට කාසි
ඒකට කාරි නැහැ
කෙළීට
මං උදව් කොරන්නම්
ඒකි දක්ෂ යි බං
අනේ
හාමු මහත්තයට
බුදු බව අත් වෙනවා
ටික දොහකට පස්සෙ
වලව්වේ
හාමු මහත්තයා
පණිවිඩයක්
එවලා තිබ්බා
අම්මා අතේ
වලව්වට ඇවිත් යන්ට
කියලා
නගරේ ඉස්කෝලෙට
යන එක ගැන
කථා කොරන්ට
මාත් හනිකට
අම්මාත් කැටුව
වලව්වට ගෑටුවේ
නගරේ ඉස්කෝලෙට
යන්ට තිබ්බ
පෙරැත්ත හින්දා
සිරිවතී
උඹ පලයන්
ගෙදර වැඩපළත් ඇති නේ
කෙළීත් එක්ක
මං කථා කොර ගන්නම්
නගරේ ඉස්කෝලෙ ගැන
ඒකි දැන උගත් බං
එහෙම යි හාමු
.
.
.
වලව්වට ගිහින් ආපු
දවසෙ ඉදන්
උඹ හරි අමුතු යි බං
No comments:
Post a Comment