පිරිමි අත් වගෙ රළු අතින්
ගල් කොරියෙ ගල් කඩන
බිසෝ උඹ
මහ මෙරක් වගෙ
දුක් උහුලනා හැටි
පාන්දරින් ඇහැ ඇර
ගෙදර වැඩපළ කර
වැඩ මුරය වෙත
කඩිමුඩියෙ ගාටන
පියකරු කළු මුහුණ
සිපගන්න ගල් වැටිය
බලන් ඇති ආසාවෙන්
මද්දහනෙ ගිනි කට්ටෙ
රත් වෙච්ච ගල් වැටිය
හැන්දෑවෙ හීතලට
නිවෙන කොට
උඹෙ පපුවටත්
දැනෙනවා ඇති
එ සීතල
ගෙට ගොඩ වෙන කොට ම
වෙහෙස නො හැර
ගෙදර වැඩපළ කර
නිදි යහන වෙත
දයාබර ව ඇදෙන
පියකරු කළු මුහුණ
සිපගන්න දරු පැටියා
බලන් ඇති ආදරෙන්
කළුවර හැන්දෑවක
තනි වෙච්ච වාඩියට
ගොඩ වුණ පවට
උඹෙ පපුවත්
ඇවිළෙනවා ඇති
එ මුහුණ
මුණ ගැහෙන හැම විට ම
No comments:
Post a Comment