අප්පච්චි නුඹටත්
දවසක උවමනා වෙන්නැති
ජීවිතේ මහ බර
මදක් ඈතින් තියන්න
හුදෙකලා අරණකට ගොඩ වැද
සමාධියකට සම වදින්න
විදර්ශනාවක් එහෙමත් වඩන්න
එහෙත් අප නිසා නුඹ ලත්
දහසකුත් කම්කටොලු
බාධාවක් ම වෙන්නැති
පාරමී පුරන නුඹෙ බෝසත් සිතට
සත්තක යි අප්පච්චි
නියත විවරණ ලබන්නට විතරක්
ආයෙමත් එන්නම් නුඹ ළඟට
කසුප් හිමි පාමුලට සිදුහත් ආ ලෙසට
එ දවසට පමණක්
කමා කළ මැන
No comments:
Post a Comment