ලා නිල් පැහැය ගත්
සෙනෙහස් අහස යට
තනි වෙමි
සෙනෙහස් අහස යට
තනි වෙමි
හාත්පස තුරුපැහැය හා
අනාරාධිත ව වුව
පෙමින් වෙළෙමි
නිරහංකාර මද සුළඟ
තදින් වැළඳගමි
අතරින් පතර ඇවිත් යන
සබකෝල කුඩා පිනි බිඳු
තොල් යුවළ මැද තියා ගමි
කුරුලු කිචිබිචි වෙත
කන් යොමා ඉමි
ඉදුණු පලතුරක්
උන් සමග මිතුරු ව
බෙදා ගෙන කමි
ඈත දුරකට විහිදෙන
වෙල් යාය දැක පුදුම වෙමි
තිස් වසට එකක් අඩුවෙන්
නතර වී මා දෙස බලමි
කොක්කු රෑනක් අතර
නිශ්චල ව එකෙක්
මා දෙස බලයි
මම
මා දෙස බලමි
No comments:
Post a Comment