පිපී මොහොතකට පසු
එක් ව දැනහඳුන ගත්තා
හිනැහෙමින් වැළඳ ගෙන
එ සමය වස්සානය ය
පෙති පහ ම එක වාගේ ය
පැහැය හැඩය සුවඳ බොහෝ දේ
ඒත් ඒ බාහිරට පෙනෙන දේ
පෙති පහ එකිනෙක වෙනස් ය
දිග පළල ඝනකම බොහෝ දේ
සමීපයට ඇවිත් බලන විට
ගොඩක් තැන් වෙනස් වී පෙනේ
වස්සානය අවසන් වන සමය ය
පෙති පහෙන් පෙති දෙකක්
මලානික වී හැළී යන්නට
බොහෝ ආසන්න ව ය
ඉතිරි පෙති මත ඉහුණු කඳුළකි
එක මලක වුව පෙතිවල
ආයු කාලය වෙනස් වන බව
වටහ ගෙන නැහැ ඒ අය
පෙති දෙකක් මගහැරුණු මලක්
දුක්බර ව බොහෝ කල් ගෙවා
ගිම්හාන කාලයක අතරමග වියැළී
නටු අගින් ගිලිහුණි පෙති සමග
No comments:
Post a Comment