කිවිසුමක් යන විට සැඟවෙමි
ඉඳහිට ගෙල මත අත තබා බලමි
ඔබ තියා ඇද්දයි උණුහුමක්
සැලෙමි බියවෙමි ඇහැරෙමි
සාලයට පැන ගමි
හතරැස් කොටුවකින්
වෙනත් ලෝකයකට
බිරිඳ ගෙන පැන යමි
සිංහල හින්දි දමිළ ඉංග්‍රීසි
සිනමා රසික මම ඇය
අතරින් පතර ප්‍රවෘත්ති විමසමි
ප්‍රස්තාරයක ඔබ ඉහළ පහළ
යන අයුරු බලමි සසඳමි
නැගිටිමි කමි බොමි
ඔබ ළඟ වත් දැයි හැරී බලමි
අත හෝදමි
නවකතාවක් පරිවර්තනයක්
පත්තරයක් කොළ කෑල්ලක් හරි
අතට ගෙන පුටුවක හරිබැරි ගැහෙමි
දුරකතනය ඔබමි
චූන් පාන් නළා හඬ ඇසෙන විට
දිව යමි බලමි රැවටෙමි
කෑම ලෑල්ලට එන කුරුල්ලන්
උන්ගෙ කිචිබිචිය මද සුළඟ
ගහකොළ විඳිමි
ළබැඳියන් සිහිකරමි
අලුත එන ළපැටි පැළ අමතමි
ඔබ ඉක්මනින් යනු ඇතැ යි පතමි
No comments:
Post a Comment