ඉතා කඩවසම්
සිත්තෙරක්
ඔබ වගේ නෙවෙයි
සන්සුන් මනසක් සහිත මිනිසෙක්
මුළු සිරුර ම
ඔහු අබිමුව නිරාවරණය කළා වුව
ඔහු තුළ නොවිණ කිසි වෙනසක්
රාගි නෙතක් ඉඟියක් අඩවන් බැල්මක්
මම හොරැහින් විමසුවෙමි
එහෙත් එවැනි කිසි සලකුණක් හෝ
ඔහු තුළ නොවිණ
ඔහු රාගය සන්සිඳවු
උත්තම මිනිසෙක් ද
නැතහොත්
අත්තකිලමථානු
යෝගියෙක් ද
අවසන් විරාමයේ...
සිත්තර සහායක
ඔහු අත රැදුණ පින්සල
මෘදු ව පිරිමැද ගෙන
ළබැඳි සිනහවක් හෙළනු දුටිමි
No comments:
Post a Comment