බොහෝ කලබලයෙන් මෙන් ඔබ ඇහැ ඇරී නැත
එහෙත් දිගු නිහැඬියාවකි හාත්පස පරිසරය
ලා කොළ පැහැති තුරු ගොමු අතර
ඔබට නො ඇසේ ද කුරුලු කිචිබිචිය
පාන්දර ඇහැර ගෙන උන් මිහිරි ලෙස
කුමක් ගැන මේ තරම් දොඩමලු වන්නේ ද?
ඔබ කෙසේ නම් එය දන්නේ ද?
ලෑලි ඇතිරූ කුඩා සයනයක කම්මැලි ව
ඒ අතට මේ අතට ඔබ පෙරළේ තව ම
පමා වී පැමිණෙන උදයක නො දැක ලා හිරු
බොහෝ නිදිවැරූ රැයක් ඔබෙන් නික්ම යයි
දැන් නිහැඬියාව පෙරළෙයි මහා ඝෝෂාවකට
ඔබ ඇහැ ඇරෙයි
මා මිය යයි
එක්වර
මා මිය යයි
එක්වර
No comments:
Post a Comment