ජීවි‍තේ කෙටි නිවාඩුවක දී
බස් රියේ කවුළුවෙන් එපිටට
දෑස් යොමු කළෙමි මම
ඔහුට අැසිල්ලක් දුර සිට
කඩදාසි බහාලුම ඉතිරෙන්න
සිනාසී පිපෙන පොරි අහුරු ළඟ
එහෙම අාදරවන්ත හදවතක්
තාත්තෙක් ළඟ විතරක් අැත
මචං අන්න අර කඩයෙන්
පොරි මල්ලක් ගෙනෙන් බන්
පොඩ්ඩා හරි අාසයි
හැමදාම අහන්නෙ ම ඕක යි
බස් රියේ සහායක
මිතුරු හදවතට අත්හළ
දෙබස් කිහිපය එහෙම ය
අැසිල්ලට දිව ගිය
ගමන් සගයා
හිනා අහුරක් අරන් අාවා
ඉනික්බිති තිරිංගය
සැහැල්ලුවකින්
මුදා හැරුණා
තවත් මොහොතකින්
ජීවිතයෙ දිගු ගමනක
නවාතැනක් වෙත
මම අැවිත් හිටියා
No comments:
Post a Comment